SUMARNÁMSKEIÐ

Ísafirði í júní 2026

KAMMERTÓNLIST

Kammertónlistarnámskeið fyrir strengjaleikara, blásara og píanista í litlum hópum. Kennarar námskeiðsins og reyndari hljóðfæraleikarar leika með nemendum í kammerhópum en öllum þátttakendum er komið fyrir í samspilshópi. Einnig er hægt að fá einkatíma og taka þátt í hljóðfæra-masterclass hjá kennurum hátíðarinnar.

Kennsla fer fram í Tónlistarskóla Ísafjarðar en þar er öll aðstaða til fyrirmyndar. Kennsla fer fram 17., 18., 19. og 20. júní og nemendur koma fram á lokatónleikum námskeiðsins 21. júní. Nemendur mæta fyrst til leiks kl. 12 þann 17. júní. Þátttökugjald í námskeiðinu er 45.000 kr. Hátíðarpassi er innifalinn.

Skráning fer fram í gegnum tölvupóst. Áhugasöm hafa samband við hello@viddjupid.is Gott ef fram kemur hvar nemendur standa í námi og hvaða verkefnum þau vinna að. Athugið að hægt er að skrá bæði hópa og einstaklinga til leika.

KENNARAR

SÖNGUR Á LEIKSVIÐI

Námskeið með Masterclass-sniði fyrir leikara, söngnema og söngvara sem vilja styrkja sig á leiksviði og fólk með brennandi áhuga á söngleikjalist. Reyndir leik- og söngvarar leiða námskeiðið sem haldið er í samstarfi við Litla leikklúbbinn og fram fer í Edinborgarhúsinu á Ísafirði.

Kennt verður 17. –20. júní en lokatónleikar námskeiðsins fara fram 21. júní. Allir þátttakendur fá einkatíma með kennurum og tækifæri til að koma fram á masterclass ásamt tónleikum. Fyrir námskeiðið þurfa nemendur að undirbúa 2 söngleikjalög en einnig verður unnið með dúetta sem kennarar úthluta nemendum.

Skráning fer fram í gegnum tölvupóst. Áhugasöm hafa samband við hello@viddjupid.is Gott ef fram kemur hvar nemendur standa í námi og á hvaða raddsviði þeir syngja. Þátttökugjald í námskeiðinu er 45.000 kr. Hátíðarpassi er innifalinn.

KENNARAR

LEIKJANÁMSKEIÐ FYRIR BÖRN: SÖNG- OG TÓNLISTARSMIÐJA

Boðið er upp á tónlistarleikjanámskeið fyrir börn á grunnskólaaldri sem eru í sumarfríi. Námskeiðið er er fyrir börn og ungmenni, 7–16 ára, sem hafa gaman af og langar að syngja meira. Unnið verður í aldursskiptum hópum en þátttakendur læra lög úr ólíkum áttum, bæði íslensk og erlend og fá innsýn í grunnatriði í tónlist, túlkun og samvinnu í hópi. Unnið er með leiki, raddbeitingu og einfaldar hreyfingar til að efla hlustun, samhljóm og sjálfstraust í gegnum kórsöng.

Leiðbeinendurnir eru reyndir kórstjórar sem starfa meðal annars við Langholtskirkju í Reykjavík og hafa getið sér mjög gott orð í vinnu með börnum.

Kennt verður í Rögnvaldarsal í Edinborgarhúsi 18.–21. júní (fim–sun) og lýkur námskeiðinu með nemendatónleikum kl. 13. sun. 21. júní.

Markmið námskeiðsins er að kveikja sönggleði, efla tónlistarþroska og skapa jákvæða upplifun af því að syngja saman. Öll börn og ungmenni eru velkomin, óháð kyni og fyrri tónlistarreynslu.

Skráning fer fram í gegnum tölvupóst og er áhugasömum bent á að senda fyrirspurn á hello@viddjupid.is. Þátttökugjald er 16.000 kr. Nánari upplýsingar um tilhögun birtast innan tíðar.

KENNARAR

ALÞJÓÐLEGT NÁMSKEIÐ FYRIR SÖNGVASKÁLD

Á þessu námskeiði fá þátttakendur einstakt tækifæri til að vinna með reyndum og virtum lagahöfundum frá Norður-Ameríku og Írlandi í heila viku á Ísafirði. Námskeiðið samanstendur af leiðsögn og masterclass-námskeiðum með fjórum þekktum listamönnum, vinnusmiðjum með öðrum þátttakendum og tónleikum þar sem öllum býðst að flytja eigin verk.

Námskeiðið fer fram dagana 17.–21. júní 2026. Skráning og nánari upplýsingar á www.westfjordssongwriting.com

LEIÐBEINENDUR